Xonqa tumaniAxborot-kutubxona markazi
278 882+ kitob fondi, elektron o'quv zali va zamonaviy kompyuter xizmatlari — barchasi bir tomga jamlangan. Fuqarolarimiz uchun bepul va ochiq.
Kitob o'qimagan odamning ham, millatning ham kelajagi yo'q — mutolaa madaniyati har bir jamiyat taraqqiyotining poydevoridir.
— Shavkat Mirziyoyev
KITOBSIZ TARAQQIYOTGA, YUKSAK MA’NAVIYATGA ERISHIB BO‘LMAYDI.
— Shavkat Mirziyoyev
INSONNING ENG KATTA DUSHMANI O‘ZINING DANGASA VA BEFARQ BO‘LISHIDIR.
— Abdulla Avloniy
JAHOLAT INSONNING ENG KATTA DUSHMANI, UNI FAQAT ILM BILAN YENGISH MUMKIN.
— Abdurauf Fitrat
HAR KO‘NGILNING ORZUSI SHUL ERUR OBI HAYOT, QADRINI BILGAN KISHIGA SHUBHASIZ JONDIR KITOB.
— Hamza Hakimzoda Niyoziy
“Hukmdor” – Yevropa uyg‘onish davrida yashagan florensiyalik diplomat va faylasuf Nikkolo Makiavellining mashhur asaridir. U o‘zining ushbu asarini Florensiya hukmdori Lorenso de Medichiga bag‘ishlagan. Kitobning so‘zboshisi hukmdorga yozilgan qisqa maktubdir va unda muallif yozish uchun o‘z sabablarini tushuntiradi. Mazkur asar hukmdorlarning hokimiyatni qo‘lga kiritish va uni saqlab qolish strategiyalarini o‘rganuvchi siyosiy risoladir. Asarda yetakchilik, siyosiy realizm kabi boshqaruvga oid muhim mavzular o‘rganilgan. Makiavelli ushbu asarida davlat ishlari bo‘yicha ko‘p yillik tajribasi, o‘qib-o‘rganishi, turli tarixiy va zamonaviy hukmdorlarning yutug‘i va kamchiliklarini kuzatishi natijasida olgan bilimlarini, hukmdorlarga, siyosatchilarga samarali boshqaruv uchun zarur bo‘lgan maslahat va yo‘l-yo‘riqlarni qo‘llanma sifatida taqdim etgan.
Asarda Usmoniylar davlatining eng mashhur admirallaridan bir Xayriddin podsho haqida hikoya qilinadi. Asli ismi Hizr bo‘lgan ushbu admiral Usmoniylar davlatining O‘rta yer dengizidagi hukmronligini shunchalar kuchaytirganki, ayrim tarixchilar O‘rta yer dengizini "Turk ko‘li» deb atay boshlagan edi. Xayriddin podsho Jazoirni ispanlardan himoya qildi, imperator Karl V va genuyalik mashhur admiral Andrea Doriga qarshi muvaffaqiyatli kurash olib bordi. "Afsona»da Xayriddin podshoning muzaffar yurishlaridan tashqari granadalik amirzoda Said Murodiyning boshidan o‘tkazgan sarguzashtlari, uning orzulari va armonlari, quvonchlari va iztiroblari haqida ham o‘qiysiz.
Qotillik mudhish jinoyat, hatto qurbon axloqsiz va subutsiz kimsalar bo‘lsa ham. O‘zga inson hayotiga qasd qilgan kishi esa jamiyatning nafratiga sazovordir. Qotillik tamg‘asi shu qadar og‘ir yukki, u kishini hayotning bor quvonchlaridan mosuvo etadi. Nemis adibi Vilhelm Raabe qalamiga mansub “Sirli qotillik qissasi” asarida kitobxon qotillikda gumon qilingan kishining mana shunday baxtsizligiga guvoh bo‘ladi. “Qizil xandaq”ning marhum xo‘jayini butun umr jamiyat nafratini his etib, tanholikda yashadi. Xo‘sh, aslida ham jinoyatni u amalga oshirgan edimi? Har holda, rad etib bo‘lmas ikki dalil odamlarni shunday gumonga boshlardi. Qotil aslida kim edi? Bu qasddan rejalashtirilgan qotillik edimi yoki baxtsiz tasodif? Nega “Qizil xandaq”ning yangi xo‘jayini asl qotilning iqrorini tinglagan bo‘lsa-da, marhum qaynotasi sha’niga yog‘ilgan tuhmatni bartaraf etishni uzoq yillar davomida paysalga solib keldi?
"Men ushbu kundalikdagi har bir bitikni, har bir jumlani muallif bosib o‘tgan yo‘lning yo‘lko‘rsatkichlaridek qabul qilaman. Bu nazmiy nasrning boshqa ko‘plab tillarga tarjima qilinayotganining asosiy sababi ham uning tirik satrlardan iboratligidadir. Yaqinda Vetnam tiliga tarjima qilingan ushbu kitob o‘quvchilar qalbida muhabbat uyg‘otishiga ishonaman! Vetnam shoiri Duong Tuongning shunday satri bor: «Ko‘z yoshlar chetida turibman..» Mazkur kundalik ham shoira Xosiyat Rustamning «ko‘z yoshlar chetida» turganini ko‘rsatadi. Uning ko‘z yoshlarining har tomchisi she’rga aylangan muhabbatdir! Buning sababi shundaki, Xosiyat Rustam butun koinotni Adabiyot deb biladi va butun insoniyatda adabiyotga mehr uyg‘otish, o‘z uyi va Vataniday sevishga chorlaydi!"
Ushbu saylanma Oʻzbekiston xalq shoiri Halima Xudoyberdiyevaning turli yillarda turli toʻplamlarda chop etilgan sheʼr, doston, balladalaridan iborat. Undagi sheʼriy asarlarda Vatan, erk, adolat, ayollar, sevgi va sadoqat kabi mavzular ilgari suriladi.
Hikoya. Ramazon va uning do'stlari haqidagi voqealar aks etgan hikoyada sodda o'zbek yigitining boshidan kechirganlarini ko'rish mumkin.
Markes o‘zining bu kitobi haqida shunday yozadi : "Yozganlarimning ichidan "Yolg‘izlikning yuz yili" romanini chiqarib, yoqib tashlagan bo‘lardim. Men bu kitobni yozganimdan uyalaman, menga ma’lum sabablarga ko‘ra, uni yaxshilab yozishga vaqt yetmadi". Ammo yozuvchi o‘zidan qanchalik ko‘ngli to‘lmasin, asar dunyo adabiyotida tub burilish yasadi. Chunki Markesgacha insoniyatni muqarrar yolg‘izlikka giriftor qilgan baxtsizlik sabablari hali adabiyotning bosh mavzusiga aylanmagan edi.
"Navro'znoma" faqatgina tarixning obidasi bo'lib qolmay, asrlar osha umumxalq bayrami hisoblanmish Navro'zi olam madh etilgan asar. Ayniqsa, ushbu kitobning to'ldirib tayyorlangan uchinchi fasli xayyomshunos ijodkorlarning Umar Xayyom va "Navro'znoma" haqidagi ko'plab qiziqarli maqolalarini o'z ichiga qamrab olganligi bilan nihoyatda keng ahamiyat kasb etadi. Risola keng kitobxonlar ommasiga mo'ljallangan.
Ertak qahramoni — “Oltin bola” obrazi orqali muallif bolalarga ezgulikning qadri, mehnatning barakasi va insoniy fazilatlarning ahamiyatini tushuntiradi. Andersen o‘ziga xos uslubda oddiy voqealar orqali katta hayot saboqlarini yetkazadi.
«Bulbul» — mashhur ertakchi Hans Kristian Andersen tomonidan yozilgan, chuqur ma’noli va tarbiyaviy klassik ertakdir. Asarda haqiqiy go‘zallik va samimiyatning qadr-qimmati, tabiiy san’at bilan sun’iy hashamat o‘rtasidagi farq nafis va ta’sirli tarzda tasvirlanadi. Bulbulning sehrli ovozi orqali muallif qalb pokligi, sadoqat va san’atning kuchini yoritadi.
Asarda kichik qizaloq Gerda va uning do‘sti Kayning boshidan kechirgan sarguzashtlari tasvirlanadi. Muz Malikasi Kayni o‘z sehrli saroyiga olib ketadi, Gerda esa uni qutqarish uchun uzoq va mashaqqatli yo‘lga chiqadi. Ertak davomida Gerda turli sinovlardan o‘tadi va chin do‘stlik hamda muhabbat har qanday sovuqni yengishini isbotlaydi.
Meri Angliyadagi tushkun kayfiyat hukmron bo‘lgan uyga ko‘chib kelganida, avvaliga o‘zini juda yolg‘iz his qildi. Ammo biroz vaqt o‘tib, u unutilgan bog‘ning kalitini topdi va Dik ismli xizmatkor bola bilan do‘stlashdi. U yerda kasalmand Kolin ismli bolakayni ham uchratdi. Xo‘sh, Sirli bog‘ Meri va uning do‘stlari hayotini qanchalik o‘zgartira oladi? Bog‘da yashiringan mo'jizani topa olisharmikan? Bu savollarga javobni birgalikda axtarishga nima deysiz?
Kutubxonamiz rivojiga o'zining ko'p yillik halol mehnati, bilimi va g'ayratini bag'ishlagan mo'tabar faxriylarimiz va fidoyi xodimlarimiz.
Hozircha fidoiylar ro'yxati bo'sh. Admin panelda "Kutubxona fidoiylari" bo'limiga qo'shing.
Hozircha katalog yo'nalishlari qo'shilmagan. Admin panelda "Katalog yo'nalishlari" bo'limiga qo'shing.
Kitobni to'liq elektron nusxasini olish uchun Email yoki Telegram orqali so'rov yuboring.
| № | Kitob nomi va muallifi | Nashriyot va yili | Mavjud nusxa | So'rov |
|---|---|---|---|---|
| Hozircha dublet kitoblar qo'shilmagan. | ||||
PDF · 875.kb · 2023-yil
PDF · 843.kb · 2023-yil
PDF · 1.23 · 2024-yil
PDF · 772 kb · 2024-yil
PDF · 667 kb · 2025-yil
PDF · 880 kb · 2025-yil
Hozircha muzey eksponatlari qo'shilmagan.
Kutubxonaga a'zo bo'lish yoki savolingiz bo'lsa, shu formani to'ldiring — biz tez orada siz bilan bog'lanamiz.