Xonqa tumaniAxborot-kutubxona markazi
🔍 Rasmni to'liq ko'rish yoki yuklab olish uchun ustiga bosing
🏢 Xonqa tuman Axborot-kutubxona markazida bolajon kitobxonlar ishtirokida Oʻzbekiston xalq yozuvchisi Xudoyberdi To‘xtaboyevning “Quyonlar saltanati” nomli kitobi taqdimoti boʻlib oʻtdi.
Tadbir davomida kutubxonachi tomonidan asarning mazmun-mohiyati, qiziqarli voqealari hamda kitobning bolalar tarbiyasidagi ahamiyati haqida batafsil maʼlumot berildi.
Taqdimotda oʻquvchilar kitob qahramonlari, voqealar rivoji va asardan olgan taassurotlari haqida oʻz fikrlarini bildirdilar. Shuningdek, bolajonlar uchun savol-javoblar va qiziqarli suhbatlar tashkil etildi.
📚 Tadbir kitobxonlarda mutolaa madaniyatini oshirish, badiiy adabiyotga boʻlgan qiziqishni kuchaytirish hamda yosh avlodni kitobsevarlik ruhida tarbiyalashga xizmat qildi.
✨ “Quyonlar saltanati” kitob taqdimoti ishtirokchilarda katta taassurot qoldirib, ularni yangi kitoblarni mutolaa qilishga undadi. Tadbirda faol ishtirok etgan kitobxonlar esdalik sovgʻalari bilan taqdirlandilar.