“Kitob – millat ma’naviyatining mezoni”

#Mutolaa_haftaligi

Xonqa tumani Axborot-kutubxona markazi hamda Ixtisoslashtirilgan ta'lim muassasalari maktabi bilan hamkorlikda “Kitob – millat ma’naviyatining mezoni” mavzusida davra suhbati bo‘lib o‘tdi.

 Kutubxona xodimlari hamda yosh kitobxonlar ishtirok etishdi.

Davra suhbat davomida kitobning inson ma’naviyatini yuksaltirishdagi beqiyos o‘rni, yoshlarning dunyoqarashi, tafakkuri va tarbiyasiga ta’siri haqida so‘z yuritildi. 

Ishtirokchilar millatning ma’naviy darajasi avvalo kitobxonlik madaniyati va ilmga bo‘lgan intilishida namoyon bo‘lishi ta’kidlab o‘tishdi.

Shuningdek, kitob insonning ma’rifiy olamini kengaytirishi, unda yuksak axloqiy fazilatlarni shakllantirishi, Vatan ravnaqi va millat taraqqiyoti uchun xizmat qilishi qayd etildi. 

Yoshlarni kitob mutolaasiga jalb etish, oilada va jamiyatda kitobxonlik muhitini shakllantirish bo‘yicha taklif va mulohazalar bildirildi.